Personi që gjuajti me armë zjarri dje në rrugën “Gazmend Zajmi” në Aktash të Prishtinës, ndodhet në arrati, bëhet e ditur në raportin 24-orësh të policisë.
Në pamjet që qarkulluan u pa se një punëtor i një picerie ishte sulmuar fizikisht nga i dyshuari nën kërcënim të armës.
“Ankuesi mashkull kosovar ka raportuar se i dyshuari kosovar për motive të panjohura e ka sulmuar dhe i njëjti kishte përdorur edhe armën. Ankuesi ka pranuar tretman mjekësor. I dyshuari ndodhet në arrati. Rasti është duke u hetuar”, thuhet në raportin e PK-së.