Kryeministri i Kosovës, Albin Kurti ka vizituar familjen e heroit, Afrim Bunjakut për nder të njëvjetorit të rënies së tij gjatë detyrës zyrtare në Banjskë të Zveçanit.
Kurti është shoqëruar nga Kryeparlamentari i Kosovës, Glauk Konjufca dhe Ministri i Punëve te Brendshme, Xhelal Sveçla.
Pas vizitës tek familja, do të bëhet edhe i dhe përurimi i rregullimit të pllakës dhe varrit të heroit Afrim Bunjaku në fshatin Samadrexhë.
Të pranishëm janë Ministrja e Drejtësisë, Albulena Haxhiu, Ministri i Pushtetit Lokal, Elbert Krasniqi, Ministri i Kulturës, Hajrulla Çeku, Ministri i Mbrojtjes, Ejup Maqedonci, deputetë e asamblistë.
Më 24 shtator 2023, një grup i uniformuar i serbëve ka kryer sulm terrorist në fshatin Banjskë të Zveçanit. Në një pritë ishte vrarë fillimisht polici-rreshter, Afrim Bunjaku. E në aksionin pasues të Policisë së Kosovës, grupi u grumbullua në Manastir. Në luftime u vranë tre sulmues e pjesa tjetër e grupit iku.
Kurti: Afrim Bunjaku humbi jetën duke mbrojtur sovranitetin e Kosovës