Presidentja e Kosovës, Vjosa Osmani, ka shprehur mirënjohjen e saj ndaj presidentit amerikan, Joe Biden, për ftesën që të marrë pjesë në Samitin Global kundër Drogave Sintetike.
Në një postim në Facebook, Osmani ka theksuar rëndësinë e bashkëpunimit global në luftën kundër kësaj dukurie të rrezikshme, ndërsa përmendi gjithashtu mundësinë për të biseduar me liderë botërorë gjatë këtij samiti.
“Falënderuese ndaj presidentit Joe Biden për ftesën që të marr pjesë në Samitin Global kundër Drogave Sintentetike. Krahas përkushtimit tonë të përbashkët që ta luftojmë këtë dukuri të tmerrshme, kisha mundësinë që të bashkëbisedoj edhe me liderë të tjerë botëror”, ka shkruar Osmani.
Samiti ka për qëllim forcimin e bashkëpunimit ndërkombëtar në adresimin e rrezikut që paraqesin drogat sintetike, një problematikë që prek vendet në mbarë botën, përfshirë Kosovën.