Gazetari i Radio Televizionit të Kosovës (RTK), është suspenduar nga punë në kohëzgjatje prej gjashtë muajsh. Këtë e ka bërë të ditur vetë ai, përmes një postimi në llogarinë e tij, Facebook.
Berisha, ka shkruar se që dhjetë vjet është sulmuar nga aktivistë, sic ka thënë, të nxitur nga kryeministri i vendit, Albin Kurti.
Suspendimin nga puna, Berisha e ka quajtur politik dhe të dirigjuar nga presidenca e kryeministria, por, sipas tij, në vendim ka ndikuar edhe Ambasada Britanike në Prishtinë.
“Sot, u suspendova nga puna per gjashte muaj, a e dini nga kush?! Nga përfaqësuesit e Kurtit e Sadriut me fasilitim, dijeni e mbështetje edhe nga disa segmente te Ambasadës britanike, sot në krye të RTK-së, te cilët shkuan aq larg me shkelje ligji jo vetëm në rastin tim, por, edhe publiku ordiner është i njoftuar se ata e kurdisen keq konkursin për drejtor të RTK-së”, ka shkruar Berisha.
Tutje, ai ka kërkuar përballje me ata që e kanë suspenduar nga puna.
Ridvan Berisha, ishte gazetar i dhomës së lajmeve në RTK, njëherësh edhe udhëheqës i emisionit “Debat”, në mediumin publik.