Britania e mirëpret vendimin e Qeverisë për të ndryshim të masës ndaj mallrave serbe

Britania e Madhe ka përshëndetur vendimin e Qeverisë së Kosovës për ndryshimin e masës për mallrat serbe.

Kjo është bërë me anë të drejtoreshës për Ballkanin Perëndimor dhe Mediteran në Ministrinë për Punë të Jashtme, Komonuelth dhe Zhvillim të Mbretërisë së Bashkuar (FCDO), Victoria Billing.

Billing po qëndron për vizitë në Kosovë, ku gjatë ditës është takuar me kryeministrin e Kosovës, Albin Kurti.

“Ajo përshëndeti vendimin e qeverisë për të lejuar kalimin e sigurt të mallrave përmes pikës së kalimit Medare, si një hap i rëndësishëm drejt zhbllokimit të progresit në CEFTA”, thuhet në njoftimin e ambasadës së Britanisë së Madhe në Kosovë.

Sipas komunikatës Billing dhe Kurti kanë diskutuan potencialin për rritjen e mundësive për investime MB-Kosovë, çështjet e sigurisë dhe marrëdhëniet me komunitetet joshumicë.

Qeveria sot ka njoftuar për ndryshim të mallrave serbe, ku masa e ndalesës është zëvendësuar me kontrolle të detajuara vetëm përmes pikës në Merdare.

Vendimin e ka përshëndetur edhe ambasada e Gjermanisë në Kosovë.

Gjermania kishte kërkuar që Kosova të heqë masën për qarkullimin e produkteve serbe, duke paralajmëruar se Kosovë mund të përjashtohej nga Procesi i Berlinit nëse nuk ndodhë një gjë e tillë.

Shija e redaktorit

Zgjedhjet lokale, nesër intervistohen mbi 50 mijë qytetarë për Exit...

Zgjedhjet lokale që do të mbahen nesër në 38 komunat e vendit do të shënojnë një rekord historik sa i përket Exit Poll-eve. Në kuadër...

Debati për Prishtinën, paratë e mbledhura nga mesazhet në Debat...

Mbrëmë studio e Debat Plus ishte nikoqire e debatit më të madh e vendimtar në kuadër të garës për zgjedhjet lokale në Prishtinë. Kundër kandidatët...

Mijëra dronë “Skydagger” mbërrijnë në Prishtinë, njofton Kurti: FSK po...

Kontejnerë që mbajnë mijëra dronë luftarakë kamikazë të markës Skydagger mbërritën sot në Aeroportin Ndërkombëtar “Adem Jashari”, njoftoi kryeministri në detyrë Albin Kurti. Sipas Kurtit,...

Të fundit nga rubrika