Këngëtarja shqiptare, Rita Ora, ka shprehur pikëllim të thellë pas lajmit tragjik për vdekjen e yllit të “One Direction”, Liam Payne.
Payne, i cili humbi jetën të enjten në Argjentinë, dyshohet se ka rënë nga ballkoni i katit të tretë, me raportime që sugjerojnë se 31-vjeçari ishte nën ndikimin e drogës dhe alkoolit.
Në një postim emocional në rrjetet sociale, Ora ka thënë se ndjehej “e shkatërruar” dhe se e kishte zemrën e thyer.
Ajo kujtoi bashkëpunimin e tyre për hitin “For You”, duke theksuar se tani kjo këngë merr një kuptim krejtësisht të ri për të.
“Jam e shkatërruar. Ai kishte shpirtin më të mirë, nuk do ta harroj kurrë. Më pëlqeu shumë të punoja me të – ishte thjesht gëzim i madh të isha pranë skenës dhe jashtë saj me të. Ky lajm tragjik më thyen zemrën. Duke dërguar gjithë dashurinë dhe lutjet e mia për familjen dhe të dashurit e tij,” ka shkruar Ora.