Presidentja e vendit, Vjosa Osmani është pritur në takim nga Ministrja e Punëve të Jashtme të Kanadasë, Melanie Joly gjatë fillimit të Konferencës Ndërkombëtare të sigurisë në Halifax.
Osmani përmes një postimi në “Facebook” ka thënë se në takim me Jolyn kanë diskutuar për sigurinë në Kosovë.
Tutje thuhet se dyshja Osmani dhe Joly kanë diskutuar edhe për thellimin e partneritetit mes Kosovës dhe Kanadasë.
“Në fillim të konferencës ndërkombëtare të sigurisë në Halifax, Kanada, u pritëm nga Mélanie Joly, Ministre e Punëve të Jashtme të Kanadasë. Diskutuam për situatën e sigurisë në Kosovë e rajon, mbështetjen kanadeze për fuqizimin e pozitës ndërkombëtare si dhe thellimin e partneritetit tanë strategjik në një sërë fushash”, ka shkruar Osmani.
Osmani takohet me ministren Joly, diskutojnë për sigurinë në Kosovë
