Ministri i Financave, Punës dhe Transfereve, Hekuran Murati ka njoftuar se është procesuar pagesa e shtesës prej 100 eurosh për studentët.
Ai përmes një postimi në Facebook, ka thënë se grupi i parë i përfituesve janë rreth 46 mijë studentë të cilët kanë plotësuar kriteret, të cilët i kanë pasur informatat e sakta.
Sipas Muratit, për një numër të konsiderueshëm të aplikantëve, të dhënat që janë pranuar nga universitetet kanë qenë të mangëta ose nuk kanë ekzistuar fare.
“Prandaj gjatë ditëve në vijim, do të tentojmë të rikonfirmojmë të dhënat për rastet që janë të pakompletuara, dhe sapo t’i kemi pranuar informatat nga këto universitete, do të procesohen edhe pagesat për grupin e mbetur”, ka theksuar Murati.
Qeveria ndan nga 100 euro për studentët, pensionistët dhe punëtorët