Të premten e 24 qershorit Senati i Universitetit të Prishtinës ka zgjedhur pesë anëtarë të Këshillit Drejtues të Universitetit të Prishtinës “Hasan Prishtina”.
Selim Bezeraj, Rifat Krasniqi, Azem Hajdari, Arjan Krasniqi dhe Naser Kabashi u zgjodhën anëtarë të Këshillit Drejtues, të cilët së bashku me katër anëtarë që do t’i emërojë ministrja e Arsimit kanë mandat që ta zgjedhin rektorin e ri.
Mundësia për zgjedhjen e anëtarëve është krijuar vetëm pas ndërhyrjes së policisë për t’i larguar senatorët që janë në përfundim të mandatit, të cilët kanë bllokuar shkallët me qëllim që të mos mbahet takimi, ngase sipas tyre, mundësia që studentët senatorë të rinj të votojnë përbën shkelje.
Këta të fundit, e komentuan veprimin e paraardhësve si sjellje pas humbjes, derisa votimi i strukturave te reja nga studentët e rinj, sipas tyre, është praktikë e UP-së.