Të premten e 24 qershorit në orën 13:49 në fshatin Komoran, Gllogoc, dyshohet se dy persona kanë shtënë me armë zjarri.
Në raportin 24 orësh të Policisë së Kosovës thuhet se në lidhje me rastin janë arrestuar dy të dyshuar meshkuj kosovarë.
Tutje, në raport shkruhet se gjatë kontrollit në shtëpitë e të dyshuarve, janë gjetur dhe konfiskuar dy revole dhe pesë fishekë.
“Është pranuar informata për të shtëna me armë zjarri. Njësitë policore në vendin e ngjarjes kanë gjetur dhe sekuestruar dy gëzhoja të armës së zjarrit. Në lidhje me rastin janë arrestuar dy të dyshuar meshkuj kosovarë. Gjatë kontrollit në shtëpitë e të dyshuarve, janë gjetur dhe konfiskuar dy revole dhe pesë fishekë. Me urdhër të prokurorit të dyshuarit janë dërguar në mbajtje”, thuhet në raportin e Policisë së Kosovës.