Agresioni rus e ka detyruar Ukrainën të kërkojë mbledhje urgjente në Këshillin e Sigurimit të Organizatës së Kombeve të Bashkuara.
Ndërsa ajo këtë kërkesë ia kishte bërë Shqipërisë.
Shqipëria është përballur me kërkesën e parë ndaj saj, gjatë kryesimit të presidencës së Këshillit të Sigurimit në Organizatën e Kombeve të Bashkuara (OKB) nga Ukraina pas sulmeve ruse mbi civilët.
Rusia nëpërmjet një sulmi me raketa ka goditur një qendër tregtare në Kremenchuk ku aktualisht numërohen 13 civilë të vdekur dhe qindra të plagosur.
Ndërsa, mbledhja urgjente e KS ka gjasa që të mbahet më 28 qershor mbi sulmet e vazhdueshme në Kiev, ku përfshihet edhe goditja e qendrës tregtare në Kremenchuk.
Shqipëria është në ditët e fundit të presidencës së parë të vendit në Këshill, ndërsa qershori po mbyllet me një çështje tepër delikate që ka qenë në vëmendje të opinionit publik që prej 24 shkurtit 2022, kur filloi agresioni rus në Ukrainë.