Prokuroria Speciale e Republikës së Kosovës ka njoftuar se nën udhëheqjen e saj është duke u zhvilluar një operacion hetimor i ndërlidhur me dyshimet për veprën penale të spiunazhit.
Sipas njoftimit, operacioni të enjten po realizohet në bashkëpunim me Inspektoratin Policor të Kosovës (IPK) dhe Agjencinë e Kosovës për Inteligjencë (AKI).
“Operacioni është ende në zhvillim dhe për shkak të ndjeshmërisë së hetimeve, më shumë detaje do të bëhen publike pas përfundimit të operacionit”, thuhet në njoftim.
Autoritetet kanë bërë të ditur se Prokurori i Shtetit do të ndërmarrë të gjitha veprimet e nevojshme hetimore, në përputhje me ligjet në fuqi.