Ángel Di María ka rënë dakord të bashkohet me Juventusin në një marrëveshje njëvjeçare pasi kontrata e tij përfundoi me Paris Saint-Germain.
Sulmuesi 34-vjeçar pritet të shkojë në Itali këtë javë, dhe është gati të jetë nënshkrimi i dytë i klubit pa pagesë për këtë verë, raporton The Guardian, transmeton Portali Dukagjini.
Marrëveshja me Di María-n pason marrëveshjen e arritur muajin e kaluar me Paul Pogba , i cili do të jetë në Torino të shtunën për të përfunduar rikthimin e tij në klub pas largimit nga Manchester United.
Di María u largua nga PSG pas shtatë sezonesh gjatë të cilave ai luajti 295 ndeshje për klubin, duke shënuar 92 gola.
Di Maria kishte refuzuar një ofertë të parë nga Juventusi pasi Barcelona bëri të ditur interesimin e tyre.
Në përpjekjen e tyre fillestare, Juventus ofroi një kontratë dyvjeçare kur Di Maria donte vetëm një kontratë njëvjeçare.
Ai fitoi titullin e Ligue 1 pesë herë në Parc des Princes si dhe po aq Kupa Franceze.
Klubet e mëparshme të argjentinasit përfshijnë Manchester United dhe Real Madrid.
Një sezon i Di Marías në Old Trafford erdhi kur Pogba ishte në periudhën e tij të parë në Juventus.
Juventus përfundoi në vendin e katërt në Serie A sezonin e kaluar, 16 pikë prapa kampionit, Milanit , i cili ka një marrëveshje me Zlatan Ibrahimovic që suedezi të vazhdojë kontratën e tij dhe të vazhdojë atje sezonin e ardhshëm.
Sulmuesi, i cili do të jetë 41 vjeç në tetor, po rikuperohet nga një dëmtim në gju dhe mund të mos luajë më këtë vit. Ai ka pranuar ulje rroge.
Ángel Di María to Juventus, here we go! Admfter agreement reached on free move, Di María’s expected to fly to Italy this week. 🚨🇦🇷 #Juvenrus
Paul Pogba will also be in Turin on Saturday, deal done weeks ago.
One-year deal for Di María – docs being prepared to be signed soon. pic.twitter.com/7aAKfcrSEj
— Fabrizio Romano (@FabrizioRomano) July 6, 2022