Deputeti i Lëvizjes Vetëvendosje, Hekuran Murati, ka reaguar pas dështimit të votimit për Qeverinë e re, duke akuzuar partitë opozitare shqiptare dhe Listën Serbe se për muaj me radhë kanë vepruar të bashkuara kundër kryeministrit në detyrë, Albin Kurti.
Sipas Muratit, kjo bllokadë politike ka zgjatur plot 9 muaj, duke penguar proceset vendimmarrëse dhe miratimin e projekteve të rëndësishme.
“Besoj që me sjelljet dhe veprimet e sotme të partive opozitare, ka kulmuar apo është materializuar ën tërësi ajo që kemi thënë nga fillimi, ku tash e 9 muaj partitë opozitare bashkë me Listën Serbe kundër Albin Kurti. Qëllimi i vetëm i tyre është kundërshtimi ndaj Albin Kurtit pa pasur as alternativë, por edhe duke lënë çdo interes shtetëror e të qytetarëve anash…
Me qenë se sot kishim votimin e buxhetit për vitin e ardhshme, buxhetin për tri komunat, marrëveshjet ndërkombëtare, opozita nuk tregoj gatishmëri që ti votoj këto buxhet që të mos mbetshin qytetarë pa këto mjete. Ata thanë që nuk duna të votojnë as buxhet e marrëveshje pa një qeveri. Kur ju ofrua mundësi, përsëri refuzuan. Ai buxhet që ka qenë i KQZ është shpenzuar, duhet të shihen mundësit që brenda kursimeve, apo mbetjeve në organizata buxhetore që kanë mbetu”, ka thënë Murati.