Ylli i Real Madridit, Eduardo Camavinga është bërë futbollisti i parë që ka ecur ndonjëherë në pasarelë për shtëpinë e famshme të modës Balenciaga, teksa mesfushori mori pjesë në Javën e Modës në Paris.
I njohur si një nga futbollistët e rinj të veshur me stil, mesfushori i Real Madrid ka veshur krijimet e stilistit gjeorgjian në një nga ngjarjet më të pritura me padurim në kalendarin ndërkombëtar të modës.
Camavinga në rrjetet sociale ka treguar disa pamje nga prapaskenat e ngjarjes.
Ai kishte veshur një xhaketë sportive të zezë dhe pantallona të zeza, derisa ecte në pasarelë si pjesë e koleksionit të 51-të të modës së Balenciaga.
Eduardo Camavinga just became the first football player to walk for Balenciaga ✨ pic.twitter.com/fRvbzpiXWx
— VERSUS (@vsrsus) July 6, 2022
Camavinga ishte padyshim i kënaqur që ishte pjesë e eventit special, teksa ndau klipe të ndryshme në InstaStory.
Ai ndau gjithashtu një foto të një dhuratë që kishte marrë nga Balenciaga.
Duke gjykuar nga profili i tij në Instagram, Camavinga është një fans i madh i skenës së modës.
Ai ndan rregullisht foto të tij me veshje të bukura dhe duke treguar sensin e tij të modës. Gucci, Nike dhe padyshim Balenciaga duket se janë markat e tij të preferuara.
Kush është Eduardo Camavinga?
Ylli i Real Madrid iu bashkua klubit nga Rennes në gusht 2021,për 27 milionë funte, dhe u bë menjëherë një lojtar i rregullt për gjigantët spanjollë pavarësisht moshës së tij.
Camavinga u paraqit 40 herë për klubin në të gjitha garat, duke hyrë si zëvendësues në finalen e Ligës së Kampionëve pasi Real Madrid pushtoi Evropën edhe një herë me një fitore 1-0 ndaj Liverpoolit.
Ndërkombëtarisht, mesfushori ka fituar tre paraqitje për Francën, në vitin 2020.
Moda dhe futbolli po afrohen gjithnjë e më shumë
I zgjedhur për model nga marka më me ndikim në botë e modës për momentin, duke ndjekur hapat e Hector Bellerin, pasi ai eci për shfaqjen e Virgil Abloh në Louis Vuitton në vitin 2019, e që edhe Camavinga duke ecur në pistën për Balenciaga është një tjetër moment i rëndësishëm që forcon marrëdhënien gjithnjë në zgjerim të luksit me futbollin.
Kjo i mundëson Camavinga -s të përmbushë “ëndrrën tjetër”, pasi gjithmonë ka shfaqur interesimin e tij për botën e modës në rrjetet e tij sociale.
David Alaba i Real Madridit ishte gjithashtu i pranishëm në Javën e Modës në Paris dhe është një tjetër futbollist që po ashtu ka treguar dashurinë e tij për modelingun në llogaritë e tij në rrjetet sociale.
Ndërkaq, në Balenciaga Haute Couture i cili është mbajtur në Paris ditën e mërkurë ka realizuar një sfilatë të mbushur me yje duke mbledhur disa prej fytyrave më të njohura në botë për të parakaluar në pistë, pjesë e këtyre yjeve ishte edhe këngëtarja shqiptare Dua Lipa.
Dua Lipa shkëlqen në sfilatën e Balenciaga Haute Couture përkrah Kim Kardashina dhe Nicole Kidman