Osmani rithekson vullnetin e Kosovës për antarësim në NATO, përgjatë takimit me Zëvendëssekretarin, Geoana
Në takimin e përfaqësuesve të 30 shteteve anëtare të NATO-s, është thënë se dialogu Kosovë-Serbi, do të gjejë zgjidhje për respektimin e të drejtave të të gjitha komuniteteve “si dhe mund të çojë në një paqe të qëndrueshme”
Presidentja Osmani dhe Zëvendëssekretari i përgjithshëm i NATO-s, Mircea Geoana,
Presidentja Osmani ka vlerësuar lart vizitën e zëvendëssekretarit të Përgjithshëm të NATO-s, Mircea Geoana. Sipas saj, vizita e tij paraqet një risigurim të përkushtimit të NATO-s ndaj Kosovës, njëherësh edhe për sigurinë, paqen dhe stabilitetin në rajon dhe Evropë.
Zyra e Presidentes ka bërë të ditur se Presidentja Osmani ka uruar Geoana-n për samitin e suksesshëm të NATO-s në Madrid.
Ndërsa, Zëvendëssekretari i përgjithshëm i NATO-s, Mircea Geoana, ka falënderuar Osmanin për strehimin e refugjatëve afganë, dhe për mbështetjen e popullit të Ukrainës.
Presidentja Osmani ka ritheksuar mirënjohjen e Kosovës për prezencën e vazhdueshme të NATO-s në Kosovë, si dhe për gatishmërinë e tyre për t’i mirëpritur vendet e Ballkanit Perëndimor që aspirojnë për anëtarësim në NATO, ashtu siç është konfirmuar në Konceptin Strategjik të NATO-s, të miratuar rishtazi.
Njëherësh, ajo ka rithënë vullnetin e qartë të Kosovës për anëtarësim në strukturat euroatlantike, me përfshirjen e Kosovës në Programin e Partneritetit për Paqe dhe anëtarësimit në NATO.
Zëvendëssekretari i përgjithshëm i NATO-s, Mircea Geoana, ka deklaruar se e mbështet procesin e normalizimit të raporteve në mes të Kosovës e Serbisë përmes dialogut, duke thënë se dialogu i ndërmjetësuar nga Bashkimi Evropian, është mënyra e vetme për gjetjen e zgjidhjes.
Në takimin e përfaqësuesve të 30 shteteve anëtare të NATO-s me komandantin e KFOR-it, Ferenc Kajari, në Prishtinë, është thënë se dialogu Kosovë-Serbi, do të gjejë zgjidhje për respektimin e të drejtave të të gjitha komuniteteve “si dhe mund të çojë në një paqe të qëndrueshme”. Geoana ka theksuar se NATO-ja do të jetë e përkushtuar për mjedis të sigurt dhe për stabilitet në Ballkanin Perëndimor.
Në takimin e shteteve anëtare të NATO-s në Prishtinë, është thënë se dialogu Kosovë-Serbi pritet të gjejë zgjidhje për respektimin e të drejtave të të gjitha komuniteteve e njëherësh, edhe rrugën drejt një paqeje të qëndrueshme.
Nërkaq, Geoana ka thënë se pushtimi rus në Ukrainë është shkaktari i një ndryshimi rrënjësor të arkitekturës evropiane të sigurisë.
Sipas tij, NATO-ja do të mbetet e përkushtuar për mjedis të sigurt dhe për stabilitet më të gjerë në rajon.
Presidentja e Kosovës, Vjosa Osmani, ka pritur në takim zëvendëssekretarin e Përgjithshëm të NATO-s, Mircea Geoan
Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...
Klinika e Onkologjisë dhe shërbimi i Emergjencës në Qendrën Klinike Universitare të Kosovës kanë pranuar një donacion të ri pajisjesh mjekësore nga organizata joqeveritare...
