Deputetja e LDK-së, Hykmete Bajrami, ka deklaruar se e respekton vendimin e Kuvendit të Lidhjes Demokratike të Kosovës, i cili përmes votimit të fshehtë i dha besimin Lumir Abdixhiku për të vazhduar në krye të partisë.
Bajrami e bëri këtë deklarim për Dukagjinin pas përfundimit të procesit të votimit nga delegatët e Kuvendit të LDK-së, duke theksuar se vendimi i marrë duhet respektuar si shprehje e vullnetit të brendshëm partiak.
Ndërkohë, ish-kryeministri dhe deputeti i LDK-së, Avdullah Hoti, nuk është deklaruar pas përfundimit të Kuvendit dhe votimit për besimin e kryetarit të partisë.
Kurse Jehona Lushaku tha se janë miratuar dy deklarata, një për reforma dhe tjetra për çështjet politike aktuale përfshi formimin e institucioneve të reja.