Katari ka njoftuar se ka kapur me sukses një valë të dytë sulmesh me raketa nga Irani, pas një sulmi të mëparshëm gjatë pasdites.
Sipas raportimeve, katër shpërthime u dëgjuan gjatë aktivizimit të sistemeve ajrore të mbrojtjes ajrore të Katarit.
Ndërkohë, një sulm me dron ka shkaktuar zjarr në një ndërtesë në rajonin Umm al-Quwain në Emiratet e Bashkuara Arabe, në bregun perëndimor të vendit. Autoritetet rajonale thanë se nuk ka persona të lënduar.
Në një konferencë për shtyp javore në Ministrinë e Jashtme të Katarit, zyrtari Majed al-Ansari bëri të qartë se bisedimet diplomatike janë të mundshme vetëm nëse Irani ndalon sulmet e tij.
Ai tha se “nëse ndalojnë sulmet, atëherë mund të gjejmë një rrugë diplomatike, por derisa vendet tona sulmohen, nuk është koha për të krijuar komitete”, raporton BBC.
Ai theksoi se vendimi për urdhërat e evakuimit u mor pas paralajmërimeve në mediat iraniane se “kompani dhe zona të caktuara” mund të sulmoheshin, duke përfshirë lagje rezidenciale dhe zona tregtare.
Që nga fillimi i luftës, sulmet ndaj objektivave civile nuk kanë pushuar, përfshirë një raketë të kapur të shtunën, e cila ishte drejtuar drejt një lagjeje rezidenciale në Doha.