Një person ka vdekur dhe dy të tjerë kanë mbetur të lënduar si pasojë e një aksident trafiku, i ndodhur të martën e 12 korrikut, në rrugën Zhur-Prizren.
Lajmin për media e ka bërë të ditur Azem Baraliu, shef i operativës së Policisë së Kosovës në njësinë e trafikut në Prizren.
Ai ka konfimruar se në aksident ishin të përfshira një veturë dhe një kamion.
“Aksidenti ka ndodhur rreth orës 7:30, në të cilin janë përfshirë një veturë dhe një kamion. Si pasojë e aksidentit një person ka ndërruar jetë, ndërsa dy të tjerë janë lënduar”, ka thënë Baraliu.
Po ashtu, ai ka thënë se njëri nga të lënduarit ka lëndime më të rënda.
Sipas Baraliut, i njëjti është dërguar për trajtim mjekësor në Qendrën klinike Universitare të Kosovës.
Në vendin e ngjarjes ka dalë edhe prokurori i shtetit.