Ka nisur takimi mes kryeministrit të Kosovës, Albin Kurti, dhe kryetarit të Lidhjes Demokratike të Kosovës, Lumir Abdixhiku, në Kuvendin e Kosovës, ku do të diskutohet çështja e zgjedhjes së presidentit.
Të dy liderët e partive kanë arritur në Kuvend dhe pritet që pas përfundimit të takimit të japin deklarata për media lidhur me zhvillimet dhe mundësinë e arritjes së një marrëveshjeje.
Ky është takimi i radhës ndërmjet Kurtit dhe Abdixhikut në përpjekje për të gjetur një zgjidhje politike për çështjen e presidentit, në një kohë kur po afrohet afati kushtetues për përfundimin e procesit.
Në mbledhjen e Qeverisë të mbajtur të hënën, Kurti ka theksuar se zgjedhjet e parakohshme nuk janë opsion dhe se zgjedhja e presidentit është detyrim kushtetues që kërkon kompromis politik dhe vullnet për zgjidhje nga të gjitha palët.
Kurti: Shkuarja në zgjedhje s’është opsion, jemi të hapur për zgjidhje