Platforma qytetare “Liria Ka Emër” në mbështetje të ish-krerëve të Ushtrisë Çlirimtare të Kosovës ka ndërmarrë një tjetër ‘aksion’ në mbështetje të Hashim Thaçit, Kadri Veselit, Jakup Krasniqit dhe Rexhep Selimit që po gjykohen në Hagë.
“Liria ka emër” edhe një herë ka kërkuar kthimin e ish-krerëve të UÇK-së në vendlindje, njofton Dukagjini.
Ata këtë të mërkurë kanë vendosur një baner të madh në qendër të Prishtinës – me kërkesën e vetme që ata të kthehen në vend.
Në banerin me fotografitë e Hashim Thaçit, Kadri Veselit, Jakup Krasniqit dhe Rexhep Selimit, është shkruar në gjuhën angleze “Çlirimtarët, ktheni ata në shtëpi”.
Kujtojmë se katërshja e UÇK-së po vazhdon të mbahet në paraburgim teksa në rastin gjyqësor ata kanë thënë fjalët përfundimtare teksa tashmë pritet vendimi final i trupit gjykues në Dhomat e Specializuara në Hagë.