Nënkryetari i Lëvizjes Vetëvendosje, Glauk Konjufca, ka vlerësuar listën e kandidatëve të partisë për zgjedhjet e 7 qershorit, duke e cilësuar atë si gjithëpërfshirëse dhe përfaqësuese të vendit në të gjitha dimensionet.
Sipas tij, lista e Lëvizjes Vetëvendosje përfshin profile të ndryshme politike, gjinore dhe gjeografike, duke reflektuar diversitetin e vendit.
“Po mendoj që kjo është një listë e mirë, është reprezentative, përfshin Kosovën në të gjitha kuptimet, edhe në kuptimet e angazhimeve politike edhe me një shtrirje gjeografike gjithëpërfshirëse gjinore edhe të profileve gjinore”, ka deklaruar Konjufca.
Ai shtoi se lista është e pranueshme për qytetarët dhe se pret që nga ajo të dalë një numër i madh deputetësh të Lëvizjes Vetëvendosje në legjislaturën e ardhshme të Kuvendit të Kosovës.
“Padyshim është listë të cilën qytetarët e Kosovës kanë me pas ma për zemër edhe kësaj radhe, dhe prej kësaj liste mendoj që do të kemi një numër të madh të deputetëve në Kuvend”, u shpreh ai.