Komandanti i krahut ushtarak të grupit palestinez Hamas, Izz al-Din al-Haddad, është vrarë gjatë një sulmi të Izraelit të premten në mbrëmje, bëjnë të ditur burimet lokale.
Në këtë sulm përveç tij kanë mbetur të vrarë edhe gruaja e vajza e tij, shtuan burimet, duke vënë në dukje se funeralet e tyre u mbajtën në Qytetin e Gazës, raporton AA.
Duke folur me gazetarët, motra e al-Haddad konfirmoi gjithashtu vdekjen e tij.
Ndërkohë, Hamasi konfirmoi gjithashtu vdekjen e al-Haddad të shtunën.
Zëdhënësi i grupit, Hazem Qassem, tha në një deklaratë të regjistruar se lëvizja vajton “një nga luftëtarët më të mëdhenj të popullit palestinez, komandantin e përgjithshëm të Brigadave Izz ad-Din al-Qassam, Izz al-Din al-Haddad (Abu Suhaib), pas një udhëtimi të gjatë lufte dhe përballjeje kundër pushtimit”.
Al-Haddad “i bashkohet udhëheqësve dhe simboleve të martirizuara të revolucionit bashkëkohor palestinez”, shtoi ai, duke theksuar se “rruga e lëvizjes do të vazhdojë pavarësisht kësaj humbjeje të madhe, e nxitur nga shpresa për fitore”.
Më parë, ushtria izraelite pretendoi se vrau Izz al-Din al-Haddad në një sulm ndaj Qytetit të Gazës.
Zhvillimi erdhi ndërsa ushtria izraelite vazhdon shkeljet e përditshme të armëpushimit në Rripin e Gazës që hyri në fuqi në tetor 2025.
Armëpushimi erdhi pas luftës dyvjeçare të Tel Avivit ku mbetën të vrarë mbi 72,000 njerëz dhe plagosi më shumë se 172,000 të tjerë.