Një person dyshohet se është zhdukur në Liqenin e Batllavës pasi i njëjti këtë të martë ka hyrë në ujë dhe nuk është parë të ketë dalë.
Policia ka nisur operacionin e kërkim-shpëtimit, njofton Dukagjini.
Rastin për Dukagjinin e ka konfirmuar edhe zëdhënësi i Policisë për rajonin e Prishtinës, Enis Pllana.
“Rreth orës 13:00, Policia ka pranuar informatën se një person dyshohet se ka hyrë në ujë në Liqenin e Batllavës dhe më pas nuk është parë të dalë. Menjëherë pas pranimit të informatës, janë angazhuar të gjitha njësitë relevante policore, si dhe njësitë e tjera të kërkim-shpëtimit, me qëllim të lokalizimit të personit. Aktualisht, operacioni i kërkimit dhe shpëtimit është duke vazhduar”, u shpreh Pllana për Dukagjinin.