Forca e Sigurisë së Kosovës (FSK) ka njoftuar se në Komandën e Doktrinës dhe Stërvitjes është përmbyllur me sukses Kursi Bazik për Xhenier Luftarak, i cili synon përgatitjen profesionale të ushtarakëve në fushën e xhenios luftarake.
Sipas FSK-së, gjatë trajnimit pjesëmarrësit kanë fituar njohuri teorike dhe aftësi praktike në ndërtimin e fortifikimeve fushore, demolime, kalimin e pengesave ujore, zbulimin dhe pastrimin e pengesave, si dhe përdorimin e mjeteve dhe pajisjeve xheniere, njofton Dukagjini.
Trajnimi është zhvilluar sipas standardeve profesionale, me fokus në avancimin e aftësive teknike, disiplinës, punës ekipore dhe gatishmërisë operacionale të ushtarakëve.
FSK vlerëson se përfundimi i këtij kursi përbën një hap të rëndësishëm në ngritjen e kapaciteteve profesionale të personelit dhe kontribuon në rritjen e gatishmërisë së njësive për përmbushjen e misioneve të tyre.