Ushtruesja e detyrës së presidentes së Kosovës, Albulena Haxhiu, ka mirëpritur lajmin për konfirmimin e gjetjes së një varri masiv në fshatin Kalludër të Zubin Potokut, duke e cilësuar atë si një zhvillim të rëndësishëm në përpjekjet për ndriçimin e fatit dhe vendndodhjes së personave të zhdukur me forcë gjatë luftës.
Haxhiu, mes tjerash,
, Haxhiu ka vlerësuar angazhimin dhe punën profesionale të institucioneve të përfshira në trajtimin e rastit, përfshirë Policinë e Kosovës, Institutin e Mjekësisë Ligjore, Komisionin Qeveritar për Personat e Zhdukur, Prokurorinë dhe institucionet e tjera të drejtësisë dhe sigurisë.
Ajo theksoi se rasti po trajtohet me përkushtim dhe përgjegjësi, ndërsa shtoi se procesi do ta ketë përkrahjen e saj të plotë në të gjitha fazat.
Sipas Haxhiut, mbështetja do të përfshijë vlerësimin e gjithanshëm të lokacionit, zhvarrimin, ekzaminimet mjeko-ligjore dhe identifikimin e plotë të viktimave, me qëllim që familjeve t’u jepet përgjigjja për fatin dhe vendndodhjen e më të dashurve të tyre.
Ajo ritheksoi rëndësinë e zbardhjes së rasteve të personave të zhdukur dhe të drejtën e familjarëve për të ditur të vërtetën për të afërmit e tyre të zhdukur gjatë luftës në Kosovë.