Kryeministri në detyrë, Albin Kurti, ka dalë nga takimi me kryetarin e Lidhjes Demokratike të Kosovës (LDK), Lumir Abdixhiku, duke thënë se nuk është arritur marrëveshje mes dy palëve. Pas përfundimit të takimit, Kurti nuk ka dhënë shumë detaje, por ka konfirmuar se një dakordim nuk është arritur.
Gazetarja e TV Dukagjinit, Blerta Zuka, ka bërë të ditur se nuk është arritur marrëveshje e re mes Lëvizjes Vetëvendosje dhe Lidhjes Demokratike të Kosovës.
Sipas Zukës, këtë e ka konfirmuar vetë kryeministri në detyrë, Albin Kurti, pas takimit me kryetarin e LDK-së, Lumir Abdixhiku.
“Sërish nuk ka marrëveshje mes LDK-së dhe LVV-së. Kjo u bë e ditur nga vetë kryeministri në detyrë, Albin Kurti, i cili deklaroi se nuk ka diçka të re”, tha Blerta Zuka.