Kuvendi i Kosovës ka nisur seancën konstituive, në përpjekjen e radhës për ta përmbyllur procesin e konstituimit të legjislaturës së dalë nga zgjedhjet parlamentare të 7 qershorit.
Në rend dite janë betimi i deputetëve, zgjedhja e kryetarit të Kuvendit dhe nënkryetarëve, hapa që duhet të përmbyllen për t’i hapur rrugë formimit të institucioneve të reja.
Seancën e ka nisur deputeti më i vjetër në moshë, Avni Dehari, teksa i njëjti u ka uruar gjithë të mirat deputetëve të zgjedhur.
Të pranishëm në sallë janë 119 deputetë dhe mungon vetëm një deputet teksa u formua edhe Komisioni i përkohshëm për verifikimin e mandateve.
Kujtojmë se me konstituimin e Kuvendit nis afati prej 60 ditësh për zgjedhjen e presidentit, që mbetet pika kryesore e mosmarrëveshjes mes Lëvizjes Vetëvendosje dhe Lidhjes Demokratike të Kosovës.
Teksa afati 15-ditësh për votimin e Qeverisë fillon vetëm pasi ushtruesja e detyrës së presidentit ta mandatojë kandidatin e propozuar nga shumica parlamentare.