Kryeministri i Maqedonisë së Veriut, Dimitar Kovaçevski ka bërë të ditur se konferenca e parë ndërqeveritare do të mbahet të martën më 19 korrik, në Bruksel.
Pas miratimit të propozimit të presidencës franceze, në një konferencë për media, kryeministri Kovaçevski ka shpallur datën e konferencës së parë ndërqeveritare.
“Sot kam nderin të shpall datën e konferencës së parë ndërqeveritare që do të mbahet më 19 korrik në Bruksel. Pastaj, Evropa do të jetë në Shkup, dhe Republika e Maqedonisë së Veriut në Bruksel me kapacitet të plotë, qasje në fonde, njohuri, parime të vërteta dhe më e rëndësishmja, vlerat për të cilat ne përpiqemi dhe dëshirojmë dhe e gjithë kjo bazuar në kombin dhe shtetin tonë, historinë dhe identitetin që do të shihet në të gjitha qendrat evropiane”, tha kryeministri.
Ndër të tjera, kryeministri ka bërë të ditur se shefi i diplomacisë Bujar Osmani do ta informojë Republikën e Bullgarisë për protokollin që duhet nënshkruar me dy vendeve.