Ish-kreu i Aleancës për Ardhmërinë e Kosovës, Ramush Haradinaj, ka reaguar pas Marshit për Liri të mbajtur sot në Prishtinë, në mbështetje të ish-krerëve të UÇK-së që po gjykohen në Hagë.
Haradinaj ka thënë se marshi i kujtoi mobilizimin e dikurshëm të luftës në malet e Kosovës, duke theksuar se qytetarët u bashkuan në sheshin e Prishtinës nën simbolikën e UÇK-së.
“Sot marshuam për Liri si dikur maleve të Kosovës! Sot u bashkuam në shesh të Prishtinës, si dikur nën logon e UÇK-së me djemtë dhe vajzat më të mira të këtij vendi. Sot Kosova foli fuqishëm për liri dhe dha verdiktin: pafajësi e plotë dhe liri për Çlirimtarët! Rroftë UÇK!”, ka shkruar Haradinaj.