Organizata e Veteranëve të Luftës së Ushtrisë Çlirimtare të Kosovës ka thirrur sot protesta në 14 komuna të vendit, në shenjë kundërshtimi ndaj aktgjykimit të Dhomave të Specializuara në Hagë, me të cilin ish-krerët e UÇK-së u dënuan me gjithsej 81 vjet burgim.
Qytetarë janë mbledhur për të protestuar në Podujevë, Ferizaj, Suharekë, Malishevë, Deçan, Gjilan, Mitrovicë, Vushtrri, Istog dhe Rahovec.
Tubimet pritet të mbahen edhe në Kaçanik dhe Drenas, ndërsa në Prizren protesta është paralajmëruar për orën 19:00.