Policia e Kosovës ka arrestuar një person të dyshuar për një rast të vjedhjes së rëndë në Obiliq.
Sipas Policisë, rasti ka ndodhur më 19 shtator 2026, në rrugën “Llapi”, ku dy persona të maskuar dyshohet se kanë vjedhur një shumë parash nga arka e një kompanie.
Njësiti i Hetimeve i Stacionit Policor në Obiliq, pas hetimeve, ka arritur ta identifikojë dhe arrestojë njërin nga personat e dyshuar.
I arrestuari, A.I., është dërguar në mbajtje me vendim të prokurorit.
Ndërkohë, personi i dytë i dyshuar për rastin vazhdon të jetë në kërkim nga Policia.