Një shtetase e huaj është arrestuar në Prishtinë nën dyshimin se ka sulmuar me gurë një shtetas të huaj, duke i shkaktuar lëndime në këmbë.
Sipas raportit 24 orësh të Policisë së Kosovës, ngjarja ka ndodhur më 3 tetor, rreth orës 03:00. E dyshuara kishte hedhur gurë nga ballkoni i banesës ku po qëndronte në drejtim të ballkonit të viktimës.
Policia ka njoftuar se ajo ishte sjellë në mënyrë agresive dhe, me një thikë, kishte thyer xhamin e derës së terasës, duke hyrë brenda. Sipas policisë, veprimet e saj kishin paraqitur rrezik edhe për zyrtarët policorë gjatë ndërhyrjes.
Me urdhër të prokurorit, njësiti përkatës policor ka hapur me forcë derën e banesës ku ndodhej e dyshuara. Thika është konfiskuar, ndërsa ajo është shoqëruar në stacionin policor.
Pas intervistimit, me vendim të prokurorit, e dyshuara është dërguar në mbajtje.