Kryetarja e Kuvendit, Albulena Haxhiu, u ka bërë thirrje protestuesve që ta ruajnë karakterin paqësor të protestës dhe të mos përdorin dhunë.
Nga Kuvendi i Kosovës, Haxhiu ka thënë se dhuna mund ta dëmtojë kauzën që protestuesit synojnë ta mbrojnë, atë të UÇK-së por edhe të çlirimtarëve.
“Ju bëj thirrje të gjithë protestuesve që të ruajnë karakterin paqësor të protestës. Dhuna e dëmton kauzën që të gjithë duam ta mbrojmë, atë të UÇK-së, por edhe atë të çlirimtarëve tanë”, ka deklaruar Haxhiu.
Ajo ka theksuar se Kuvendi tashmë e ka miratuar në parim Projektligjin për ndryshimin dhe plotësimin e Ligjit për Dhomat e Specializuara dhe ka kërkuar që protestat të vazhdojnë në mënyrë paqësore.
“Edhe grupet parlamentare duhet të bëjnë një thirrje të njëjtë, as UÇK-në e as çlirimtarët tanë nuk i mbrojmë me dhunë”, ka thënë Haxhiu