Zelenskyy: Sulmi në Odessa, mënyrë e Rusisë për moszbatimin e marrëveshjes së grurit

Presidenti ukrainas Volodymyr Zelenskyy ka komentuar sulmin rus në portin e Odessa, sulm i cili vjen vetëm një ditë pas marrëveshjes të bërë në Turqi mes Ukrainës dhe Rusisë e ndërmjetësuar nga OKB-ja dhe Turqia

Presidenti i Ukrainës Volodymyr Zelenskyy

Vetëm një ditë pas marrëveshjes mes Rusisë dhe Ukrainës e grurit të bllokuar në portet e Ukrainës, Rusia ka sulmuar portin e Odessa-së.

Rusët sulmuan portin tregtar detar të Odesës me raketa lundrimi Kalibr”, shkroi Komanda Operacionale Jug në aplikacionin Telegram, duke ngritur dyshime të reja në lidhje me realizueshmërinë e marrëveshjes, e cila synonte të çlironte rreth 20 milionë tonë drithë për të shmangur urinë në pjesë të mëdha. të botës në zhvillim, njofton The Guardian.

Këtë sulm e ka komentuar presidenti i Ukrainës Volodymyr Zelenskyy, i cili ka thënë se sulmi raketor i Rusisë në portin e Odesës të shtunën tregoi se Moska do të gjente mënyra për të mos zbatuar marrëveshjen e grurit të arritur me Kombet e Bashkuara, Turqinë dhe Ukrainën.

Gjithashtu, edhe ministri i jashtëm i Ukrainës Oleg Nikolenko, ka thënë për sulmin rus në Odessa  “Raketa ruse është pështyma e Vladimir Putinit në fytyrën e Sekretarit të Përgjithshëm të OKB-së Antonio Guterres dhe Presidentit turk Rexhep Erdogan, të cilët bënë përpjekje të mëdha për të arritur një marrëveshje dhe të cilit Ukraina i është mirënjohës”.

Ndërsa, Ukraina ka vazhduar të përgatitet për të rifilluar eksportet e grurit nga portet e saj të Detit të Zi, pavarësisht nga një sulm raketor rus që goditi portin e Odesa të shtunën, ka thënë ministri ukrainas i infrastrukturës, Oleksandr Kubrakov.

Një marrëveshje që lejon eksportin e grurit ukrainas përmes Detit të Zi është nënshkruar në qytetin turk të Stambollit të premten, pas muajsh negociatash midis Ukrainës dhe Rusisë të ndërmjetësuara nga Turqia dhe Kombet e Bashkuara.

Shija e redaktorit

Librat e verës nga “Dukagjini”, zgjedhjet më të mira për...

Vera është koha ideale për aventura, por jo të gjitha ndodhin jashtë. Disa nga udhëtimet më të paharrueshme ndodhin brenda faqeve të një libri....

Shtëpia botuese “Dukagjini” propozon 9 libra që mund t’ju shoqërojnë...

Vera nuk është vetëm koha e pushimeve, por edhe e rikthimit te vetja. Në këtë periudhë kur ditët janë më të gjata e ritmi...

Pas raportimit të Dukagjinit, 3 donatorë i dalin në ndihmë...

Gjendjes së rënduar të familjes Krasniqi në Llukar e për të cilën raportoi ditë më parë Dukagjini, i kanë dal në ndihmë disa qytetarë...

Të fundit nga rubrika