Ish-lojtari i kombëtares shqiptare Eros Grezda, ka firmosur për bashkëpunim me Manisa FK.
Kontrata e Grezdës nisi për një vit, por me opsion të zgjatjes së kontratës deri në vitin 2024.
Eros Grezda ishte pjesë e Sibenik, ndërkohë që më parë ka luajtur me skuadra si, Rangers, Osijek, Zalaegerszeg, NK Aluminij dhe NK Lokomotiva.
Pasi Grezda firmosi për bashkëpunim në Turqi, ai kishte shprehur se, “Jam shumë i lumtur që vij në një klub të madh si Manisa. Do ta çojmë ekipin në Superligë, aty ku e ka vendin”.
Presidenti Mevlut Aktan, në këtë rast është shprehur, “Kemi ambicie, duam të ecim përpara dhe kam besim se Grezda, i cili është një lojtar me vlera, do të japë kontributin e tij në ngjitjen e ekipit në Superligë”.
Manisa, përveç futbollistit shqiptar Grezda, pak ditë më parë në ekip e kishin bashkuar dhe David Domgjonin, ish-mbrojtësin e Tiranës dhe Laçit.