Vdekjen e biznesmenit më të pasur të Ukrainës dhe të gruas së tij e shkaktuan granatimet “masive” ruse.
Një raketë goditi shtëpinë e tyre gjatë natës së djeshme dhe la të vdekur Oleksiy Vadatursky, 74 vjeç dhe gruan e tij Raisa.
Vadatursky njihej ndryshe si “Hero i Ukrainës”, sepse ai zotëronte grupin Nibulon që bënin eksportet e grurit.
Kryetari i bashkisë së Mykolaiv, Oleksandr Senkevych ka thënë se, ”ishte bombardimi më i rëndë rus i qytetit deri më tani”.
Afër shtëpisë së bombarduar të biznismenit ka pasur një hotel, një kompleks sportiv, dy shkolla dhe një servis, si dhe banesa, të cilat kanë pësuar gjithashtu dëme të mëdha.
Nibulon ka ndërtuar shumë objekte magazinimi dhe infrastrukturë tjetër për eksportimin e grurit.
Ukraina dhe Rusia janë eksportuesit kryesorë të grurit dhe drithërave të tjera, mirëpo lufta mes tyre ka penalizuar mjaft shumë, andaj edhe janë shfaqur rritje të çmimeve.
Javën e kaluar të dy vendet nënshkruan një marrëveshje të ndërmjetësuar nga OKB në Turqi, që synon lehtësimin e krizës ushqimore.
Dërgesat ukrainase pritet të jenë të ngadalta mes kontrolleve të rënda të sigurisë.