Të martën e dy gushtit është nënshkruar marrëveshja ndërmjet Komunës së Prishtinës dhe Komunës së Graçanicës, për lëshimin e linjës së transportit për udhëtarët.
Këtë e ka bërë të ditur nënkryetari i Komunës së Prishtinës, Alban Zogaj.
“Nisja dhe kthimi bëhen nga rrugët ‘Mon Balaj’, ‘Fahri Fazliu’, ‘Ilir Konusheci’, ‘UÇK’, ‘Migjeni’, ‘Luan Haradinaj’, ‘Garibaldi’, ‘Gjorgj Bush’, Bulevardi ‘Bill Clinton’, Rrethi në M2 vazhdon për Veterrnik, ‘Jusuf Gërvalla’, rruga Prishtinë – Gjilan, Hajvali, Graçanicë dhe përfundon në Kishnicë”, ka shkruar Zogaj në Facebook.
Ai ka njoftuar se kjo linjë liron komunikacionin në Prishtinë dhe ndihmon komunitetin në Graçanicë.
