Një konfirmim i ftesës së takimit Kurti-Vuçiq që pritet të realizohet më 18 gusht të këtij viti, ka ardhur nga Përfaqësuesi i Politikë së Jashtme të Bashkimit Evropian, Josep Borrell.
Përmes një postimi në Twitter mëngjesin e së shtunës, Borell ka shkruar se takimi në mes të Kryeministrit të Kosovës, Albin Kurti dhe Presidentit të Serbisë, Aleksandër Vuçiq është planifikuar me qëllim për të diskutuar rrugën përpara ndërmjet Prishtinës dhe Beogradit.
“Po ftoj presidentin e Serbisë, Aleksandar Vuçiq dhe kryeministrin e Kosovës, Albin Kurti më 18 gusht në Bruksel, për të diskutuar rrugën përpara ndërmjet Prishtinës dhe Beogradit”, shkruan Borrell.
I am inviting President of Serbia Vucic @predsenikrs and Prime Minister of Kosovo Kurti @albinkurti on 18 August to Brussels, to discuss the way forward between Pristina and Belgrade.
— Josep Borrell Fontelles (@JosepBorrellF) August 6, 2022
Ky takim vjen pas tensioneve të krijuara në Mitrovicën Veriore pas dy vendimeve të Qeverisë së Kosovës për reciprocitet.
Si rrjedhojë, Qeveria shtyu zbatimin e vendimeve për reciprocitet për një muaj.
Kurti dhe Vuçiqi ishte planifikuar të takoheshin në Bruksel më 19 korrik, por një takim i tillë nuk u realizua.