Tre persona kanë mbetur të lënduar nga një aksident në fshatin Rogovë, përkatësisht në magjistralën Gjakovë-Prizren.
Lajmin për Portalin Dukagjini e ka konfirmuar Drejtori i Policisë së Gjakovës, Lumni Graishta.
“Aksidenti ka ndodhur në mes të fshatrave Rogovë dhe Celinë. Të përfshira janë dy automjete ndërsa si pasojë e aksidentit 3 persona janë lënduar rëndë të cilët për momentin janë duke marrë ndihmën mjekësore në spitalin rajonal kurse në vendngjarje janë njësitet e trafikut nga DRP Gjakovë”, ka thënë Graishta për Portalin Dukagjini.
Ndër të tjera, Graishta ka thënë se në aksident kanë qenë të përfshirë dy vetura.
Në vendngjarje kanë dalë ekipi i policisë së trafikut rrugor, dhe po merren me rastin.
Policia e Kosovës vazhdimisht ka apeluar tek ngasësit e autmojeteve që ta përshtatin shpejtësinë me kushtet e rrugës, si dhe njëherësh, t’i respektojnë rregullat e komunikacionit.