Ushtarët të cilët ishin në detyrë në Uzinën e Përpunimit të Armëve në Gramsh, janë në gjendje të mirë shëndetësore.
Ardi Bici dhe Ardjan Xhaka, janë dy ushtarët të cilët u lënduan përgjatë të shtunës nga shtetasit rusë, të dyshuar si agjentë, raporton TCH.
Ushtarët shqiptarë kanë dëgjuar lëvizje të dyshimta te personat, të cilët kanë tentuar të hyjnë fshehurazi në Uzinë në Gramsh, dhe janë afruar për t’i larguar.
Në momentin që janë afruar ka pasur një përleshje fizike mes ushtarëve shqiptarë dhe rusëve, ku njëri prej tyre ka përdorur sprej dhe ka lënë të lënduar ushtarët shqiptarë.
Pas ngjarjes, tre shtetasit e huaj janë arrestuar, ndërsa dy ushtarakët shqiptarë u dërguan për mjekim në Spitalin e Traumës.
Tre rusë hyjnë në uzinën e armëve në Gramsh, sulmojnë dy ushtarë shqiptarë