Zyrtarët në Amsterdam kanë miratuar një plan për të akomoduar përkohësisht të paktën 1 mijë emigrantë në një anije lundrimi të ankoruar.
Anija do të qëndrojë në portin e qytetit për të paktën gjashtë muaj nga 1 tetori duke lejuar banorët të dalin dhe të hyjnë lirisht.
Kryeqyteti holandez është qyteti i dytë i cili ka miratuar planet për vendosjen e emigrantëve në një linjë lundrimi.
Holanda ka për synim t’i japë fund një krize akomodimi ku javën e kaluar rreth 700 azilkërkues kanë kaluar natën jashtë në kushte josanitare në një qendër pritjeje të dedikuar sepse nuk kishte hapësirë për ta brenda.
Kryeministri Mark Rutte të premten e 26 gushtit ka thënë se i vinte turp për situatën në qendrën e pritjes së azilit Ter Apel, raporton euronews.
“Situata në Ter Apel është zemërthyese. Së bashku ne duhet të zgjidhim mungesën e akomodimit në mënyrë që refugjatët të mund të gjejnë një vend”, ka thënë kryetari i Amsterdamit, Rutger Groot Wassink.
Wassink ka shtuar se anija turistike është një zgjidhje e përkohshme dhe afatshkurtër si dhe i ka bërë thirrje qeverisë holandeze të punojë me bashkitë për të reformuar sistemin e azilit në vend.