Nënkryetarja e Partisë Demokratike të Kosovës, Vlora Çitaku ka shkruar se Albin Kurti i ka parë sondazhet e njëjta nga diaspora, të cilat i kanë parë dhe opozita. Sipas saj, për këtë arsye Kurti i ofendoi bashkatdhetarët duke i quajtur analfabetë.
Vlora Çitaku tha se edhe PDK-ja ka pasur rënie votash në zgjedhjet e kaluara në diasporë, por asnjëherë nuk i ka ofenduar bashkatdhetarët.
“Vetë themeluesit e partisë sonë e kanë ngjizur aktivitetin e tyre për çlirimin e Kosovës në diasporë, në mesin e bashkatdhetarëve tonë. Prandaj, duke e respektuar diasporën, ne e kemi respektuar historinë tonë. Pavarësisht se si voton diaspora”, shkruan Vlora Çitaku.
Nënkryetarja e Partisë Demokrataike të Kosovës ka shtuar se Partia Demokratike e Kosvës nuk e sheh diasporën si votë, por si aset kombëtar.
“Kështu, ne e dënojmë gjuhën denigruese dhe poshtëruese të kryeministrit ndaj bashkatdhetarëve tonë”, thotë tutje Çitaku. Ajo i ka bërë thirrje kryeministrit Kurti që të rregullojë jetën e familjarëve të diasporës në Kosovë.