Zgjedhjet e përgjithshme të 14 shkurti të viti 2021 i nxorrën fitues Lëvizjen Vetëvendosje. Kjo është edhe arsyeja që tani ky subjekt politik udhëheqë me Qeverinë e Kosovës.
Megjithatë, të gjitha proceset zgjedhore nuk kanë përfunduar për këtë subjekt politik që për kryetar ka Albin Kurtin.
Për zgjedhjet e brendshme për Kryetar të Partisë, Forumin e Gruas e atë Rinor , që do të mbahen në shtator veçse po vazhdon fushata e që nuk po kalon pa debate e përplasje të brendshme.
Në këtë proces të brendshëm zgjedhor në Lëvizjen Vetëvendosje, për herë të parë do të zgjedhet edhe kryetarja e Forumit të Gruas.
Ndërkohë, RTV Dukagjini përmes burimeve mëson se në krye të Forumit të Gruas po synon të jetë ajo që udhëheq me Ministrinë e Drejtësisë, Albulena Haxhiu.
Haxhiu duket se do të jetë në krye të këtij organi të ri, por që konfirmimi do të bëhet nga anëtaret në fund të këtij muaji.
Sa i përket pozitës së Kryetarit, ajo që prej themelimit njëherë si Lëvizje e më pas si parti, pothuajse gjithmonë ka qenë e destinuar për një person.
Bëhet fjalë për tashmë kryeministrin Albin Kurti që në krye të Lëvizjes mungoi vetëm në tre vite, e periudhat tjera ka mbajtur timonin e partisë që tashmë është në pushtet.
Përjashtimi ishte bërë në vitet 2015-2017 kur me Vetëvendosjen udhëheqi Visar Ymeri.