Në kuadër të edicionit të 11-të të samitit Brdo-Brijuni, presidentja e Kosovës, Vjosa Osmani, është takuar me presidentin e Malit të Zi, Milo Gjukanoviq.
Takimi mes tyre është konfirmuar me anë të një postimi në Twitter nga presidentit Gjukanoviq.
Në postimin e tij, Gjukanoviq ka njoftuar se me presidenten e Kosovës, Vjosa Osmani, ka diskutuar për çështje bilaterale dhe për bashkëpunimin në rajon.
“Diskutim me Presidenten e Kosovës, Vjosa Osmani për çështjet bilaterale dhe bashkëpunimin në rajon. Mali i Zi dhe Kosova mbesin në principet e ruajtjes së stabilitetit dhe perspektiven evropiane të rajonit”, ka shkruar Gjukanoviq.
