Sekretari amerikan i Shtetit, Anthony Blinken, ka njoftuar për ndihmën prej 600 milionë doallrësh në ndihmë për Ukrainën.
Në këtë paketë ndihmash ku përfshihen armë, municione dhe paisje ushtarake shtesë nga inventarët e Departamentit të Mbrojtjes së ShBA-ve.
Në njoftim thuhet se së bashku ShBA-të, me aleatët e saj po dorëzojnë armët dhe paisjet që forcat Ukrainase po përdorin në mënyre efikase kundër sulmeve te forcave ruse.
Më këtë ndihmë ushtarake nga ShBA-të për Ukrainën arrihet shifra rreth 15.8 miliardë që nga fillimi i administratës Biden.
“Në bazë të një delegimi autoriteti nga Presidenti, unë po autorizoj tërheqjen tonë të njëzet e një të armëve dhe pajisjeve amerikane për Ukrainën që nga shtatori 2021. Kjo tërheqje prej 600 milionë dollarësh përfshin armë, municione dhe pajisje shtesë nga inventarët e Departamentit të Mbrojtjes së SHBA. Kjo tërheqje do të sjellë ndihmën e përgjithshme ushtarake të SHBA për Ukrainën në rreth 15.8 miliardë dollarë që nga fillimi i kësaj administrate”, ka thënë Blinken.
Blinken ka shtuar se populli i Ukrainës me guxim dhe me vendosmëri po e mbron atdheun e tij, dhe po lufton për të ardhmen e tij.
“Me guxim dhe vendosmëri të admirueshme, populli i Ukrainës po mbron atdheun e tij dhe po lufton për të ardhmen e tij. Shtetet e Bashkuara po i ofrojnë Ukrainës ndihmë ushtarake së bashku me aleatët dhe partnerët tanë nga më shumë se 50 vende për të mbështetur mbrojtjen e saj. Aftësitë që ne po ofrojmë janë të kalibruara me kujdes për të bërë dallimin më të madh në fushën e betejës dhe për të forcuar dorën e Ukrainës në tryezën e negociatave kur të jetë koha e duhur”, ka shtuar Blinken.