Kryetari i Partisë Demokratike të Kosovës (PDK), Memli Krasniqi, në seancën e Kuvendit ku po debatohet për politikën e jashtme, ka thënë se Qeveria e Kosovës nuk ka fare ide se si ta bëjë politikën e jashtme.
Sipas, të parit të partisë më të madhe opozitare, Kosova ka abstenuar në politikën e jashtme dhe se nuk ka pasur asnjë Qeveri më të dobët në politikën e jashtme se sa kjo e tanishmja.
“Nuk ka pasur dobësim më të madh të politikës së jashtme se sa në këtë Qeveri. Shkarkimi i ambasadorëve ka prodhuar vakum dhe ka krijuar mosbesim tek shtetet mikpritse. Ky vakum ka vazhduar në shpërbërjen e tyre, me shkarkimet që janë të paligjshme po japin goditjet përfundimtare diplomacisë kosovare në botë”, ka deklaruar ai.
Krasniqi, përmendi edhe ministren e Punëve të Jashtme, Donika Gërvalla, për të cilën tha se është pa përvojë dhe jo kompetente.
Sipas Krasniqit, Gërvalla më shumë ka prodhuar skandale e humor, se sa veprime të mira.
Shkarkimin e ambasadorëve nga ministrja Gërvalla, kryetari i PDK-së e ka quajtur skandal diplomatik dhe mosrespekt për vendet ku ata kanë shërbyer.
“Nuk ka pasur dobësim më të madh të politikës së jashtme se sa në këtë Qeveri. Shkarkimi i ambasadorëve ka prodhuar vakum dhe ka krijuar mosbesim tek shtetet mikpritëse. Ky vakum ka vazhduar në shpërbërjen e tyre, me shkarkimet që janë të paligjshme po japin goditjet përfundimtare diplomacisë në botë”, është shprehur ai.
Në fund, Krasniqi kritikoi edhe procesin e dialogut, duke thënë se është shndërruar nga një dialog për njohje në një dialog për “stickersa” e targa.