Këtë të hënë ka ndërruar jetë ish-lojëtari dhe ish-anëtari i Bordit të KB Sigal Prishtinës, Albert Dula.
Dula ka qenë pjesë e basketbollit vendor qysh herët, ku së pari filloi si basketbollist i KB Prishtina, pastaj vazhdoi të kontribuonte edhe në bordin e klubit prishtinas.
Në faqen zyrtare, KB Sigal Prishtina ka njoftuar për humbjen e ish-lojëtarit.
“Me shumë keqardhje kemi pranuar lajmin për humbjen e ish-lojtarit dhe ish-anëtarit të bordit të klubit tonë, Albert Dula”, thuhet në postimin e KB Sigal Prishtina.
KB Sigal Prishtina në njoftimin ka shkruar se Dula do të mbahet në mend për kontributin e tij si basketbollist i Prishtinës në kohën e ish-Jugosllavisë dhe më pas si anëtar bordi.