Abdixhiku përkujton Agim Kikajn: Një figurë e jashtëzakonshme, humbje e madhe për Kosovën

Kryetari i Lidhjes Demokratike të Kosovës, Lumir Abdixhiku, ka përkujtuar dhe nderuar jetën dhe veprën e ish-deputetit, Agim Kikaj.

“Sot, përkujtojmë dhe nderojmë Agim Kikajn, figurën patriotike, politike e mbi të gjitha njerëzore. Agimi ishte angazhuar herët në çështjet atdhetare e politike; ai iu bashkua vargut të veprimtarëve më të mëdhenj të LDK-së në orët e rënda të vendit. Agimi u nda nga ne shumë herët, por la pas vetes një trashëgimi të jashtëzakonshme, duke qenë si kryetar i Komunës së Podujevës, deputet i Kuvendit të Republikës së Kosovës, e një ndër personalitetet kryesore politike të Podujevës dhe më gjerë, si dhe veprimtar i dalluar i Lidhjes Demokratike të Kosovës”, thuhet në komunikatën e LDK-së.

Kreu i LDK-së, Abdixhiku ka thënë se ndarja e Agim Kikajt nga jeta ishte humbje e madhe për Kosovën dhe proceset demokratike të vendit.

“Mesnata e datës 18 maj e vitit 2017, goditi familjen Kikaj, Kosovën dhe Lidhjen Demokratike me vdekjen e tij të papritur. Ndarja e Agim Kikajt ishte humbje e madhe për Kosovën dhe proceset demokratike të vendit tonë. Kosova humbi një njeri të mirë, një figurë të jashtëzakonshme që i shërbente ndërtimit të institucioneve demokratike tonat dhe kishte për synim fuqizimin e tyre”, thuhet tutje në komunikatë.

Abdixhiku tha se ai do të kujtohet gjithmonë për çiltërsinë, modestinë dhe afërsinë që e kishte me njerëzit.

“Andaj ikja e tij, la zbrazi jo vetëm për familjen Kikaj, por për gjithë LDK-në dhe Kosovën. Jeta dhe vepra e tij është e paharrueshme në rrugëtimin e Kosovës për liri dhe pavarësi! Lavdi jetës dhe veprës së Agim Kikajt”.

Shija e redaktorit

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Tre oficerë të FSK-së diplomojnë në Kolegjin CGSC të ushtrisë...

Oficerët e Forcës së Sigurisë së Kosovës(FSK), majorët Alban Bunjaku, Agron Murati dhe Alban Bujupi, pas studimeve njëvjeçare, diplomuan me sukses të lartë në...

Peja dhe Ulqini nënshkruajnë marrëveshjen e binjakëzimit si qytete

Kryetari i Pejës, Gazmend Muhaxheri ka pasur një mysafir të veçantë në zyrën e tij të shtunën. Ai priti me nderime kryetarin e Ulqinit, Genc...

Të fundit nga rubrika