Policia e Kosovës ka dhënë detaje lidhur me aksidentin e djeshëm në Prishtinë mes një veture dhe dy motoçikletave.
Lexo më shumë: Aksident në Prishtinë, vetura përplaset me dy motoçikleta
Në raportin 24-orësh të policisë bëhet e ditur se shoferi i veturës është arrestuar dhe me vendim të prokurorit është dërguar në mbajtje.
Ndërsa, dy drejtuesit e motoçikletave kanë pësuar lëndime trupore dhe janë dërguar për tretman mjekësor në QKUK.
“Rr. Fehmi Agani, Prishtinë / 20.05.2024 – 11:30. Raportohet se ka ndodhur një aksident trafiku në mes të një veture dhe dy motoçikletave. Si pasojë, dy drejtuesit e motoçikletave meshkuj kosovarë kanë pësuar lëndime trupore dhe të njëjtit janë dërguar për tretman mjekësor në QKUK. Drejtuesi i veturës mashkull kosovar është arrestuar dhe me vendim të prokurorit është dërguar në mbajtje”, thuhet në raportin policor.